فیس بک اکاونٹ ہیک
فیس بک اب کوئی سوشل ایپ نہیں رہی بلکہ یہ پلیٹ فارم دوسروں کے ساتھ اچھے تعلقات بنانے کا ذریعہ بن چکا ہے۔ بہت سارے لوگوں نے فیس بک سے کاروبار کا آغاز کیا۔ سدا بہار ہنستا کھیلتا یہ نیلے رنگ کا جادو ہے جسے کھولتے ہی آپ سب بھول کر سکرولنگ کرنے لگ جاتے ہیں اور مختلف چیزیں دیکھتے کب گھنٹے گزر جاتے آپ کو اندازہ تک نہیں ہوتا۔ یہاں آپ کو ہر طرح کے لوگ اور پوسٹس ملتی ہیں۔ ایسی ایسی پوسٹس کہ آپ اکیلے بیٹھے ہنس ہنس کے دوھرے ہو جائیں اور ایسی بھی کہ آپ کی آنکھ میں نمی پیدا ہو جائے۔ آپ اپنے گھر کے چھوٹے سے کمرے میں بیٹھے پوری دنیا سے رابطے میں ہوتے ہیں۔
جہاں اسکے فوائد ہیں وہاں نقصانات بھی ہیں ایک بہت بڑا نقصان ہماری نوجوان نسل کا اپنا قیمتی وقت برباد کرنا ہے۔ دوسری طرف اکاونٹ ہیک کر لیا جاتا ہے۔ پہلے یہ سلسلہ بہت ہی کم تھا۔ لیکن اب فیس بک پروفائلز کے ہیک ہونے میں بہت تیزی آ گئی ہے اور ایک منظم گروہ اس پہ کام کررہا ہے ۔ روزانہ بہت سارے لوگوں کی ائیڈیز کو ہیک کر کے اس سے بہت غلیظ اور نامناسب مواد ناصرف وال پہ بلکہ انباکس بھی شئیر کیا جاتا ہے ۔صوبائی، نسلی، سیاسی،معاشرتی ، ملکی اور مذہبی تعصبات کو پھیلایا جاتا ہے۔ اس طرح کی پوسٹیں کی جاتی ہیں کہ مخالف پارٹی بھڑک اٹھتی ہے۔
نیز ہیک ہونے والی پروفائل سے جان پہچان والے دوستوں سے ایمرجنسی کا کہ کر رقم کا مطالبہ کی جاتا ہے ۔ ساتھ ہی دوسری ائی ڈیز کو شکار کرنے کے لیے میسنجر میں ایک لنک بھیجا جاتا ہے جس کے ساتھ کوئی چونکا دینے والی عبارت ہوتی ہے
جب تجسس کے مارے لنک کھولا جاتا ہے, وہ ویڈیو چلنے سے پہلے پاسورڈ لیتی ہے اور ہمارا سارا ڈیٹا اس لنک کے ذریعے ہیک ہوجاتا ہے۔ پھر آئی ڈی ریکوور بھی کرلیں تو اس کی پرائیویسی کی گارنٹی نہیں رہتی ۔
اس سے محفوظ رہنے کے لیے کچھ ہدایات ذہن میں رکھ لیں
° اپنا پاسورڈ اور ای میل یاد رکھیں ۔ پاسورڈ مکمل سکیور لگائیں بہت آسان پاسورڈ نہ ہو۔
° ہفتے میں ایک بار آئی ڈی ضرور لاگ آوٹ کریں ، مسلسل لاگ ان رہنے والی آئی ڈیز خطرے میں ہیں ۔
° فیس بک سیٹینگ میں two فیکٹرز پروٹیکشن یا فیس بک Protect guard آن کردیں ۔
°لاگ ان آلٹر آن کر لیں اس کے ساتھ مسینجر کو لاک کریں جو جب بھی آن کیا جائے آپ کے نمبر پر میسج آئے۔
° اگر آپ اپنا اکاونٹ کسی اور ڈیوائس پر بھی لاگ ان کرتے ہیں تو کچھ ماہ بعد اپنا پاسورڈ ضرور تبدیل کریں اور پاسورڈ میں اپنے نام کے سپیلنگ شامل مت کریں ۔
° ۔ Spam میسجز میں موصول ہونے والا کوئی لنک ہر گز ہر گز مت کھولیں ۔
° وال سے کوئی ویڈیو ڈاون لوڈ کریں تو کچھ ویڈیوز پاسورڈ لیتی ہیں ، صارف سمجھتا ہے کہ شاید فب دوبارہ لاگ ان کرنی ہے، جب وہ معلومات لکھتا ہے تو وہ ارسال کنندہ کے پاس چلی جاتی ہیں۔
° انباکس میں ،، Facebook user,, کے نام سے پڑے تمام اکاونٹ ڈیلیٹ کرنے کی بجائے بلاک کریں ۔ یہ وہ ائی ڈیز ہیں جو ریموو ، بین یا پھر ہیک کر لی جاتی ہیں۔
ان معلومات کو اپنے دوست احباب تک پہنچائیں ، اب فیس بک اکاونٹ صرف وقت گزاری نہیں آپ کی مکمل پہچان ہے اس کی حفاظت آپ کے ذمہ ہے۔
رضوانہ نور
تبصرے
ایک تبصرہ شائع کریں