سپنوں کی تعبیر

سپنوں کی تعبیر  
سورج سا ابھرنا ہے 
اس دنیا کو روشن کرنا ہے 
پڑھنا ہے کچھ بننا ہے
اپنے دم پہ کچھ کرنا ہے 
قدم قدم پہ لڑنا ہے 
مجھے ہر دم آگے بڑھنا ہے 
سپنوں کی اک دنیا ہے 
اور اس کی میں شہزادی ہوں
ہوں مفرور پرندہ ،نہ صیاد کے تیر سے بچنا ہے 
یہ دنیا میرا نشیمن ہے، میں عورت ہوں یہ جرم نہیں ہے 
عورت ہو تم چپ رہو، بولنا تجھے زیب نہیں
وطیرہ ہے اس دنیا کا،اس سے بغاوت کرنی ہے 
تشہیر کا میں سامان نہیں،رائے میری مقدم ہے 
میں عورت ہوں یہ جرم نہیں ہے 
میرا بھی اک نام ہے اس سے ہی پہچان ہے 
گھر داری میرا ہدف نہیں ہے مجھے ایسے ہی تو مرنا نہیں ہے 
اس کے ساتھ کچھ کرنا ہے 
مجھے نام تو پیدا کرنا  ہے  
سپنوں کی اس دنیا سے بیدار ہوئی تو یاد آیا 
گمنام ہوں میں اس دنیا میں ،مجھے نام اپنا بنانا ہے 
سر نا کبھی جھکانا ہے 
مجھے خود کو تو منوانا ہے 
فکر ہے ماں کو شادی کی
 پر نؔور کا بھی اک سپنا ہے 
تعبیر میں اس کو ڈھلنا ہے
مجھے پڑھنا ہے کچھ بننا ہے
از قلم:-
 
تنزیلہ نؔور